APRIL 2020
PKP : Berasai Lantang Seput Dikemendar Bedagang
MARUDI : Raban orang ti bedaja di makit tamu diatu berasai lantang seput pengudah dikemendar bedagang sereta nyual asil utai tanam sida, tang sida mesti nitihka chara tauka atur ti udah ditetapka perintah.
Ngambi penerang ari UKAS, enti sebedau tu sepemanjai Atur Tagang Pemindah (PKP) mayuh orang ti bedagang enda ulih bejalaika pengawa dagang sida ketegal ti nitihka atur diau di rumah dikena munaska rantai igi penyakit berampit Covid-19.
Dalam beberapa timpuh PKP, perintah udah nendurka sekeda atur enggau ngemendar pengawa bedagang diatur lalu pekara tu ngelantangka ati sereta seput raban orang ti bedagang enggau mega mensia mayuh.
Opis Pelilih Menua Marudi, ejensi perintah ngembuan tanggung pengawa dalam nyeleti tetiap iku orang ti bedagang enggau mensia mayuh ngambika seruran nitihka atur ti udah ditetapka sepemanjai pengawa nyual enggau meli.
Sumber dari : TVSarawak